---
title: "മാഹി പാലത്ത്  നിയന്ത്രണം വിട്ട കാർ മരത്തിലേക്കിടിച്ചു കയറി ; വൻ അപകടം  ഒഴിവായി"
english_title: "Car Loses Control on Mahe Bridge, Crashes Into Tree, Major Mishap Averted"
publisher: "panoornews.in"
canonical_url: "https://panoor.truevisionnews.com/news/372645/Car Loses Control on Mahe Bridge, Crashes Into Tree, Major Mishap Averted"
published_at: "2026-07-16T09:05:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a5851d5068e9_1001324668.jpg"
keywords: ["Mahe Bridge Accident", "Car Crash", "Road Accident"]
---

# മാഹി പാലത്ത്  നിയന്ത്രണം വിട്ട കാർ മരത്തിലേക്കിടിച്ചു കയറി ; വൻ അപകടം  ഒഴിവായി

> **Lead Summary:** മാഹി: മാഹി പാലത്തിൽ ഇന്ന് രാവിലെ നിയന്ത്രണം വിട്ട ഒരു കാർ റോഡരികിൽ നിന്നിരുന്ന മരത്തിൽ ഇടിച്ച് അപകടത്തിൽപ്പെട്ടു.

## Article Content

മാഹി: മാഹി പാലത്തിൽ ഇന്ന് രാവിലെ നിയന്ത്രണം വിട്ട ഒരു കാർ റോഡരികിൽ നിന്നിരുന്ന മരത്തിൽ ഇടിച്ച് അപകടത്തിൽപ്പെട്ടു.

നാട്ടുകാരുടെ സമയോചിതമായ ഇടപെടലും ഭാഗ്യവും കാരണമാണ് വലിയ ദുരന്തം ഒഴിവായത്. റോഡരികിൽ നേരത്തെ മുറിച്ചിട്ടിരുന്ന മരക്കൊമ്പുകൾ വാഹനത്തിന്റെ വേഗത കുറയ്ക്കുകയും പുഴയിലേക്ക് മറിയാതെ തടയുകയും ചെയ്തു. ഇല്ലായിരുന്നെങ്കിൽ കാർ നേരെ മാഹി പുഴയിലേക്ക് മറിയാൻ സാധ്യതയുണ്ടായിരുന്നു.

അപകട സമയത്ത് കാറിൽ സഞ്ചരിച്ചിരുന്നവർക്ക് പരിക്കുകളൊന്നും സംഭവിച്ചില്ല. എന്നാൽ കാറിന്റെ മുൻഭാഗത്തിന് ഗുരുതരമായ കേടുപാടുകൾ സംഭവിച്ചിട്ടുണ്ട്. അപകടവിവരം അറിഞ്ഞയുടൻ മാഹി പോലീസും ഫയർഫോഴ്‌സും സ്ഥലത്തെത്തി രക്ഷാപ്രവർത്തനം നടത്തി.

പാലത്തിൽ അമിത വേഗതയിലും അശ്രദ്ധമായും വാഹനങ്ങൾ ഓടിക്കുന്നതാണ് ഇത്തരം അപകടങ്ങൾക്ക് കാരണമാകുന്നതെന്ന് നാട്ടുകാർ പറഞ്ഞു. അപകടത്തെ തുടർന്ന് കുറച്ചുസമയം മാഹി പാലത്തിലൂടെയുള്ള ഗതാഗതം തടസ്സപ്പെട്ടിരുന്നു. പിന്നീട് പോലീസ് എത്തി ക്രെയിൻ ഉപയോഗിച്ച് കാർ നീക്കം ചെയ്തതോടെ ഗതാഗതം പുനഃസ്ഥാപിച്ചു

### Related Links & Sources
- [Original Story Source](https://panoor.truevisionnews.com/news/372645/Car Loses Control on Mahe Bridge, Crashes Into Tree, Major Mishap Averted)